కోదాడ పట్టణంలో వాహనదారులు, పాదచారుల ఇబ్బందులు తొలగించేందుకు ట్రాఫిక్ పోలీసులు మంగళవారం 'ఆపరేషన్ రోప్' చేపట్టారు. ట్రాఫిక్ ఎస్ఐ బి. అంజి రెడ్డి ఆధ్వర్యంలో మున్సిపల్ సిబ్బందితో కలిసి సూర్యాపేట రహదారిలోని రంగ థియేటర్ నుంచి శ్రీనివాస్ థియేటర్ వరకు ఫుట్పాత్లపై ఉన్న ఆక్రమణలను తొలగించారు. తోపుడు బండ్లు, దుకాణాలను ఖాళీ చేయించి, వాటి ముందు రెడ్ లైన్ గుర్తులు వేశారు. పట్టణంలో ట్రాఫిక్ రద్దీ తగ్గించడమే దీని లక్ష్యమని అధికారులు తెలిపారు.