నారాయణఖేడ్ స్థానిక ప్రతినిధి కృష్ణ:నారాయణఖేడ్ ప్రాంతంలో నిరంతరం సేవా కార్యక్రమాలు నిర్వహిస్తూ విద్య సామాగ్రి తో పాటు గత 8 సంవత్సరాలుగా చంద్ర శేఖర్ ఆచార్యతో కలసి ప్రతి నెల రెండు అనాధ కుటుంబాలకు నిత్యవసర వస్తువులు అందజేస్తున్న ఎన్ టి టి డాటా సాఫ్ట్వేర్ సంస్థ డైరెక్టర్ తిప్పరాజు ప్రసాద్ సేవలు అద్భుతం అని ఖేడ్ మున్సిపల్ కమిషనర్ జగ్జీవన్ అన్నారు.. ఖేడ్ పట్టణ పరిధిలోని మున్సిపల్ కార్మికురాలు శకుంతల భర్త అకాల మరణం చెందడంతో వారి కుటుంబానికి నెలకు సరిపడే నిత్యవసర వస్తువులను అందజేశారు . ఈ సందర్భంగా వారు మాట్లాడుతూ సమాజ హితాన్ని కాంక్షించే దాతలు ముందుకు వచ్చి తమకు తోచిన సహకారాన్ని అందించాలన్నారు . గత పది సంవత్సరాలుగా తిప్పరాజ ప్రసాద్ సేవలను ఆయన కొనియాడుతు పుట్టినరోజు శుభాకాంక్షలు తెలిపారు. ఈ కార్యక్రమంలో మున్సిపల్ సిబ్బంది శ్రీనివాస్, ఉపాధ్యాయులు చంద్రశేఖర్ ఆచార్య తదితరులు పాల్గొన్నారు