శిఖరం ఆర్ట్ థియేటర్ ఆధ్వర్యంలో హైదరాబాద్ చిక్కడపల్లిలోని త్యాగరాయగాన సభలో జరిగిన ఉగాది పురస్కారం-2026 ప్రదానోత్సవ కార్యక్రమంలో కరాటేలో విశేష సేవలందించిన కరాటే మాస్టర్ డాక్టర్ డి.రాముకు పరాభవ నామ ఉగాది జాతీయ పురస్కారాన్ని అందజేశారు. ఈ సందర్భంగా అవార్డును అందుకున్న డి.రాము మాట్లాడుతూ కరాటే రంగంలో ఎంతో మంది విద్యార్థులకు తర్ఫీదును ఇచ్చి వారిని ఉత్తమ పౌరులుగా తీర్చిదిద్దడం జరిగిందని తెలిపారు. తాను చేస్తున్న సేవలను గుర్తించి ఈ అవార్డును అందజేయడం సంతోషంగా ఉందని పేర్కొన్నారు. ఈ కార్యక్రమంలో రుద్రరాజు పద్మరాజు, లంక లక్ష్మీ నారాయణ, రాగ రంజని, నిర్వాహకులు గొల్ల కృష్ణ తదితరులు పాల్గొన్నారు.