రామన్నపేట,

కాలువలో చేపలు పట్టేందుకు దిగిన యువకుడు ప్రమాదవశాత్తు మునిగి మృతిచెందిన ఘటన మండలంలో చోటుచేసుకుంది.

పోలీసుల వివరాల ప్రకారం, ఒడిశా రాష్ట్రం బండిగూడ గ్రామానికి చెందిన శేహాద్రి కుమార్, అతని బంధువు రాజు ఖిలో (20) సెంట్రింగ్ పనుల కోసం 20 రోజుల క్రితం రామన్నపేటకు వచ్చారు. మే 1న సెలవుదినం కావడంతో ఇద్దరూ, మరో బంధువుతో కలిసి దుబ్బాక మార్గంలో లచ్చిరెడ్డి గూడెం శివారులోని అసిఫ్‌నగర్ కాలువ వద్ద చేపలు పట్టేందుకు దిగారు.

ఈ సమయంలో రాజు ఖిలో ప్రమాదవశాత్తు లోతైన బురదలో ఇరుక్కొని మునిగిపోయి మృతి చెందినట్లు తెలిపారు. సమాచారం అందుకున్న పోలీసులు కేసు నమోదు చేసి దర్యాప్తు చేస్తున్నారు.