ఎమ్మిగనూరు, : తిరుమల తిరుపతి దేవస్థానం హిందూ ధర్మ ప్రచార పరిషత్ ఉమ్మడి కర్నూలు జిల్లా శాఖ ఆధ్వర్యంలో ఎమ్మిగనూరు మండలం కడిమెట్ల గ్రామ శివాలయంలో ఈ నెల 30 నుంచి జూలై 4 వరకు ధార్మిక, ఆధ్యాత్మిక, సాంస్కృతిక కార్యక్రమాలు నిర్వహించనున్నట్లు జిల్లా శాఖ కార్యనిర్వాహకులు డాక్టర్ మల్లు వెంకటరెడ్డి తెలిపారు.

కార్యక్రమాల కరపత్రాలను శనివారం శివాలయంలో భక్తులతో కలిసి ఆవిష్కరించారు. జూన్‌ 30 నుంచి జూలై 2 వరకు డమాం జగదీశ్ ధార్మిక ప్రవచనాలు, జూలై 3న గోపూజ, కుంకుమార్చన, ప్రతిరోజూ స్థానిక భజన మండలి ఆధ్వర్యంలో భజన కార్యక్రమాలు నిర్వహించనున్నట్లు వెల్లడించారు.

ఈ కార్యక్రమంలో పురోహితులు ఈరన్నరావు, వేదపండితులు శివమణి, శంకరని, దినేశ్, భజన మండలి సభ్యులు కంసాలి మోహన్, భూషణరావు, శంకరప్ప, కేశన్న, లక్ష్మీకాంత్, నరసప్ప, నాయుడు, కిరణ్ తదితరులు పాల్గొన్నారు.