భువనగిరి,

బేటీ బచావో–బేటీ పడావో కార్యక్రమంలో భాగంగా భువనగిరి అంగన్‌వాడీ కేంద్రంలో శనివారం ‘బేటీ జన్మోత్సవం’ నిర్వహించారు. ఈ సందర్భంగా జన్మించిన ఆడ శిశువుకు, ఆమె తల్లికి అంగన్‌వాడీ సూపర్‌వైజర్ నర్మదా చీర, గౌను అందజేశారు.

ఆడపిల్లల పట్ల సమాజంలో సానుకూల దృక్పథం పెంపొందించడం, బాలికల సంక్షేమం, రక్షణ, అభివృద్ధిపై అవగాహన కల్పించడమే కార్యక్రమం లక్ష్యమని తెలిపారు. కార్యక్రమంలో జిల్లా మహిళా సాధికారత కేంద్రం మిషన్ కోఆర్డినేటర్ కే. హర్ష, జెండర్ స్పెషలిస్ట్ పి. నిఖిత, అంగన్‌వాడీ టీచర్లు పాల్గొన్నారు.