: భువనగిరి వసుంధర థియేటర్‌లో ప్రదర్శితమవుతున్న ‘రిస్క్’ సినిమా ప్రచారంలో భాగంగా హీరో సందీప్ ఆశ్వ శనివారం అభిమానులతో కలిసి చిత్రాన్ని వీక్షించారు. టపాసులు కాల్చి, పూలమాలలతో అభిమానులు ఘన స్వాగతం పలికారు.

ఈ సందర్భంగా సందీప్ పాశ్వ మాట్లాడుతూ, చిత్రానికి ప్రేక్షకుల నుంచి మంచి ఆదరణ లభిస్తోందని, భువనగిరి ప్రజలు ఇలాగే ఆశీర్వదించాలని కోరారు. మున్సిపల్ చైర్‌పర్సన్ తంగళ్లపల్లి శ్రీవాణి రవికుమార్ మాట్లాడుతూ, భువనగిరి ముద్దుబిడ్డ సందీప్ సినీ రంగంలో మరింత ఉన్నత స్థాయికి ఎదగాలని ఆకాంక్షించారు.

నిర్మాత రావి శైలజ సురేష్‌రెడ్డి, దర్శకుడు ఘంటాడి కృష్ణ మాట్లాడుతూ, తొలి చిత్రంతోనే సందీప్ నటన ప్రేక్షకులను ఆకట్టుకుందని తెలిపారు. కార్యక్రమంలో చిత్ర యూనిట్ సభ్యులు, ప్రజాప్రతినిధులు, అభిమానులు పెద్ద సంఖ్యలో పాల్గొన్నారు.