జాతీయ రహదారిని కమ్మేసిన పొగ మంచు

జాతీయ రహదారి 65ను శనివారం తెల్లవారుజామున కమ్మేసిన పొగ మంచు. ఉదయం 7 దాటిన పొగ మంచు తొలగకపోవడంతో వాహనదారులు తీవ్ర ఇబ్బందులు ఎదుర్కొన్నారు. ముందు వెళ్తున్న వాహనాలు దగ్గరికి వచ్చే వరకు కనిపించకపోవడంతో వాహనదారులు వేగ నియంత్రణతో వెళ్తున్నారు. పొగ మంచు బాగా కురుస్తున్న నేపథ్యంలో అప్రమత్తంగా వాహనాలు నడపాలని అధికారులు సూచించారు.