యాదాద్రి–భువనగిరి: కాంగ్రెస్ పార్టీ జిల్లా కార్యదర్శిగా ఇంజి నరేష్ నూతనంగా ప్రమాణ స్వీకారం చేసి బాధ్యతలు స్వీకరించారు. ఈ సందర్భంగా పార్టీ ముఖ్య నాయకులు హాజరై నియామక పత్రాన్ని అందజేశారు.

టీపీసీసీ అధ్యక్షుడు బొమ్మ మహేష్ కుమార్ గౌడ్ ఆధ్వర్యంలో జరిగిన ఈ కార్యక్రమంలో ప్రభుత్వ విప్, ఆలేరు ఎమ్మెల్యే బీర్ల ఐలయ్య, ఎంపీ చామల కిరణ్ కుమార్ రెడ్డి, ఎమ్మెల్యేలు కుంభం అనిల్ కుమార్ రెడ్డి, మందుల సామేల్, మహిళా కార్పొరేషన్ చైర్మన్ బండ్రు శోభారాణి పాల్గొన్నారు. వారు ఇంజి నరేష్‌కు ప్రమాణ స్వీకారం చేయించి అధికారికంగా నియామక పత్రాన్ని అందజేశారు.

ఈ సందర్భంగా నాయకులు నరేష్‌ను అభినందిస్తూ, కొత్త బాధ్యతల్లో పార్టీని బలోపేతం చేయాలని ఆకాంక్షించారు. నరేష్ కూడా పార్టీ అభివృద్ధికి కృషి చేస్తానని హామీ ఇచ్చారు.