నారాయణఖేడ్ స్థానిక ప్రతినిధి :తెలంగాణ రాష్ట్ర మాజీ మంత్రి, సిద్ధిపేట శాసనసభ్యుడు తన్నీరు హరీష్ రావు అసెంబ్లీ డిప్యూటీ ఫ్లోర్ లీడర్‌గా ఎన్నికైన సందర్భంగా నారాయణఖేడ్ మాజీ ఎమ్మెల్యే మహారెడ్డి భూపాల్ రెడ్డి ఆయనను మర్యాదపూర్వకంగా కలిసి శుభాకాంక్షలు తెలిపారు. ఈ సందర్భంగా నూతన సంవత్సర శుభాకాంక్షలు కూడా తెలియజేశారు.ఈ భేటీలో భూపాల్ రెడ్డి మాట్లాడుతూ, అసెంబ్లీలో డిప్యూటీ ఫ్లోర్ లీడర్‌గా హరీష్ రావు బాధ్యతలు స్వీకరించడం పార్టీకి మరింత బలం చేకూరుస్తుందని అభిప్రాయపడ్డారు.రాష్ట్ర ప్రజల సమస్యలను అసెంబ్లీ వేదికగా సమర్థంగా ప్రస్తావించడంలో ఆయన కీలక పాత్ర పోషిస్తారని విశ్వాసం వ్యక్తం చేశారు.అనంతరం భారత రాష్ట్ర సమితి వర్కింగ్ ప్రెసిడెంట్, మాజీ మంత్రి కల్వకుంట్ల తారక రామారావును కూడా భూపాల్ రెడ్డి మర్యాదపూర్వకంగా కలిసి నూతన సంవత్సర శుభాకాంక్షలు తెలిపారు.రాష్ట్ర రాజకీయాల్లో కేటీఆర్ నాయకత్వం, పార్టీ భవిష్యత్ కార్యాచరణపై ఈ సందర్భంగా సానుకూల చర్చ జరిగినట్లు సమాచారం.ఈ సమావేశాల్లో నారాయణఖేడ్ నియోజకవర్గానికి చెందిన పార్టీ నాయకులు, కార్యకర్తలు, అభిమానులు పాల్గొని తమ శుభాకాంక్షలు తెలిపారు.