నల్లగొండ మండలంలోని చందనపల్లి గ్రామానికి చెందిన తెలగమళ్ల కాశీరాములు (67) గుండెపోటుతో మృతి చెందారు. సోమవారం అర్ధరాత్రి గుండెపోటు రావడంతో కుటుంబ సభ్యులు ఆయనను ప్రభుత్వ ఆసుపత్రికి తరలించగా, చికిత్స పొందుతూ కన్నుమూశారు.

ఈ సందర్భంగా గ్రామ మాజీ సర్పంచ్ సురిగి రమేష్ గౌడ్ మృతదేహాన్ని సందర్శించి శ్రద్ధాంజలి ఘటించారు. అనంతరం బాధిత కుటుంబ సభ్యులను ఓదార్చి రూ.5 వేల ఆర్థిక సహాయం అందజేశారు.

ఈ సందర్భంగా ఆయన మాట్లాడుతూ కాశీరాములు మరణం కుటుంబానికి తీరని లోటని, వారి కుటుంబాన్ని అన్ని విధాలుగా ఆదుకుంటామని హామీ ఇచ్చారు. ఈ కార్యక్రమంలో మాజీ వార్డు సభ్యులు కాశీ మల్ల విజయ్ కుమార్ తదితరులు పాల్గొన్నారు.