మునిపంపుల,

గ్రామ అభివృద్ధికి దాతలు ముందుకు రావాలని మునిపంపుల గ్రామ సర్పంచ్ బొడ్డుపల్లి వెంకటేశం పిలుపునిచ్చారు.

మునిపంపుల గ్రామ పంచాయతికి నల్లగొండకు చెందిన సీఐ గంటెపాక చిన్న నర్సింహా సహకారంతో రూ.18 వేల విలువైన ఎల్ఈడి వీధి దీపాలను బహుకరించారు. గ్రామ పంచాయతీ కార్యాలయంలో సర్పంచ్, పాలకవర్గ సభ్యుల సమక్షంలో దీపాలను అందజేశారు.

ఈ సందర్భంగా సర్పంచ్ వెంకటేశం మాట్లాడుతూ గ్రామంలో వీధి దీపాల అవసరాన్ని గుర్తించి సహాయం అందించినందుకు కృతజ్ఞతలు తెలిపారు. ఇదే స్ఫూర్తితో ఉద్యోగస్తులు, ప్రముఖులు గ్రామాభివృద్ధికి తోడ్పడాలని కోరారు.

ఈ కార్యక్రమంలో ఉప సర్పంచ్ తాళ్ళ క్రాంతి కుమార్, వార్డు సభ్యులు మేకల రాములు, గంటెపాక శ్రీను, గ్రామస్తులు మామిండ్ల కుమార్, ఆకుల శేఖర్, మామిండ్ల నర్సింహా, సిరిసాల కళ్యాణ్, గంగదారి నవీన్, ఎండీ రఫీక్ తదితరులు పాల్గొన్నారు.