ప్రజాపాలన–ప్రగతి ప్రణాళిక కార్యక్రమంలో భాగంగా రామన్నపేట ఆర్‌బీఎస్‌కే (RBSK) బృందం ఆధ్వర్యంలో జనంపల్లి రెసిడెన్షియల్ స్కూల్‌లో ఉచిత వైద్య శిబిరం నిర్వహించారు.

ఈ కార్యక్రమాన్ని జిల్లా వైద్య ఆరోగ్య అధికారి డా. మనోహర్, ఆర్‌బీఎస్‌కే ప్రోగ్రాం అధికారి డా. రామకృష్ణ ఆధ్వర్యంలో నిర్వహించారు. శిబిరంలో ఆర్‌బీఎస్‌కే వైద్య బృందం సభ్యులు, నిపుణులు డా. వీరన్న (పీడియాట్రిషన్), డా. పాండు (డెంటల్), డా. స్వాతిభాయి (గైనకాలజీ), డా. శ్రీదేవి (ఆప్తమాలజిస్ట్) పాల్గొన్నారు. అలాగే పారామెడికల్ సిబ్బంది కళ్యాణి, పాఠశాల ప్రిన్సిపాల్ రాజు సమక్షంలో కార్యక్రమం కొనసాగింది.

ఈ శిబిరంలో విద్యార్థులకు ఉచిత వైద్య పరీక్షలు నిర్వహించారు. రక్తపోటు, హెమోగ్లోబిన్ (CRP) పరీక్షలు, మానసిక ఆరోగ్యంపై స్ట్రెస్ మేనేజ్‌మెంట్ అవగాహన కల్పించారు. అవసరమైన విద్యార్థులకు కళ్లద్దాలు పంపిణీ చేశారు.