మలిగే ఉషయ్య నివాసంలో వేడుకలు.. పాల్గొన్న కౌన్సిలర్ మధుసూదన్, శివకుమార్ గౌడ్

​చౌటుప్పల్ మున్సిపాలిటీ పరిధిలోని హైస్కూల్ సమీపంలో వెలసిన ముత్యాలమ్మ తల్లి బోనాల ఉత్సవాలు ఆదివారం అత్యంత వైభవంగా జరిగాయి. ఈ సందర్భంగా 19వ వార్డు కౌన్సిలర్ పిల్లలమర్రి మధుసూదన్ ముఖ్య అతిథిగా విచ్చేశారు. వార్డులోని ప్రముఖులు మలిగే ఉషయ్య గారి నివాసంలో ఏర్పాటు చేసిన బోనాల వేడుకల్లో ఆయనతో కలిసి స్థానిక నాయకులు చెరుకు శివకుమార్ గౌడ్ పాల్గొన్నారు.

​అమ్మవారికి ప్రత్యేక పూజలు నిర్వహించిన అనంతరం వారు మాట్లాడుతూ.. పట్టణ ప్రజలందరూ ఆయురారోగ్యాలతో, సుఖసంతోషాలతో ఉండాలని ఆ తల్లిని వేడుకున్నట్లు తెలిపారు. మన సంస్కృతీ సంప్రదాయాలకు ప్రతీక అయిన బోనాల పండుగను అందరూ కలిసికట్టుగా జరుపుకోవడం సంతోషదాయకమని అన్నారు. ఈ కార్యక్రమంలో వార్డు ప్రముఖులు, మహిళలు, భక్తులు పెద్ద సంఖ్యలో పాల్గొన్నారు.