రాష్ట్ర నూతన డీజీపీగా బాధ్యతలు చేపట్టిన సీవీ ఆనంద్‌ను తెలంగాణ హోమియో డాక్టర్స్‌ అసోసియేషన్‌ రాష్ట్ర అధ్యక్షుడు, సహస్ర ఫౌండేషన్‌ వ్యవస్థాపకుడు డాక్టర్‌ చినుకని శివప్రసాద్‌ మర్యాదపూర్వకంగా కలిశారు. సోమవారం డీజీపీ కార్యాలయంలో ఆయనను కలిసి పుష్పగుచ్ఛం అందజేసి శుభాకాంక్షలు తెలిపారు.ఈ సందర్భంగా సహస్ర ఫౌండేషన్‌ ద్వారా తాము నిర్వహిస్తున్న ఉచిత ఆరోగ్య శిబిరాలు, సామాజిక అవగాహన కార్యక్రమాలు, ఇతర సేవా కార్యకలాపాల గురించి డీజీపీకి వివరించారు. ఫౌండేషన్‌ సాగిస్తున్న సేవా కార్యక్రమాల పట్ల డీజీపీ ప్రశంసలు కురిపించారు. 'ఆరోగ్య తెలంగాణ' లక్ష్య సాధనలో తమ వంతు సహకారం ఎప్పుడూ ఉంటుందని ఈ సందర్భంగా డాక్టర్‌ శివప్రసాద్‌ అన్నారు.