నిరుద్యోగ సమస్యల పరిష్కారం, ఉద్యోగ నోటిఫికేషన్ల విడుదల వంటి డిమాండ్లతో డివైఎఫ్ఐ చేపట్టిన “ఛలో అసెంబ్లీ” కార్యక్రమానికి పోలీసులు అడ్డుకట్ట వేశారు. ఈ క్రమంలో డివైఎఫ్ఐ రాష్ట్ర కమిటీ సభ్యుడు, మాజీ వైస్ ఎంపీపీ నాగటి ఉపేందర్‌ను తెల్లవారుజామున ఇంటి వద్దే పోలీసులు ముందస్తుగా అరెస్టు చేశారు.

డివైఎఫ్ఐ రాష్ట్ర కమిటీ పిలుపు మేరకు సెక్రటేరియట్ ముట్టడి కార్యక్రమానికి వెళ్లనీయకుండా ఈ చర్యలు తీసుకున్నారని ఉపేందర్ ఆరోపించారు. కాంగ్రెస్ మేనిఫెస్టోలోని యూత్ డిక్లరేషన్ అమలు చేయాలని, ఖాళీ ఉద్యోగాలకు వెంటనే నోటిఫికేషన్లు ఇవ్వాలని, నిరుద్యోగ భృతి నెలకు రూ.4,000 చెల్లించాలని, రాజీవ్ యువ వికాస్ పథకాన్ని అమలు చేయాలని, క్రీడా రంగానికి రూ.1,000 కోట్లు కేటాయించాలని డిమాండ్ చేశారు.

శాంతి భద్రతల పరిరక్షణ కోసమే ముందస్తు అరెస్టులు చేపట్టినట్లు పోలీసులు తెలిపారు.