భువనగిరి,

పౌరసరఫరాల శాఖ అధికారులు భువనగిరి పట్టణంలో పలు హోటళ్లు, వ్యాపార కేంద్రాల్లో శనివారం ఆకస్మిక తనిఖీలు నిర్వహించారు. ఈ సందర్భంగా కమర్షియల్ సిలిండర్లకు బదులుగా అక్రమంగా వినియోగిస్తున్న 7 గృహ వినియోగ (డొమెస్టిక్) గ్యాస్ సిలిండర్లను సీజ్ చేశారు.

సహాయ పౌరసరఫరాల అధికారి సురేశ్ రెడ్డి ఆధ్వర్యంలో నిర్వహించిన ఈ తనిఖీలలో పౌరసరఫరాల ఉప తహశీల్దార్లు నర్సింగ్ రావు, ఇన్స్పెక్టర్లు విజయసింహ రెడ్డి, నర్సింహా రెడ్డి పాల్గొన్నారు.

ఈ సందర్భంగా అధికారులు వ్యాపార కేంద్రాల్లో తప్పనిసరిగా కమర్షియల్ గ్యాస్ సిలిండర్లనే ఉపయోగించాలని, గృహ వినియోగ సిలిండర్లను వాడితే కఠిన చర్యలు తీసుకుంటామని హెచ్చరించారు. ఇలాంటి అక్రమాలపై నిరంతరం తనిఖీలు కొనసాగిస్తామని తెలిపారు.