భువనగిరి కేంద్రంలో రంజాన్ పండుగ వేడుకలు అంగరంగ వైభవంగా నిర్వహించబడ్డాయి. ఈ వేడుకలకు ముఖ్య అతిథులుగా భువనగిరి ఎమ్మెల్యే కుంభం అనిల్ కుమార్ రెడ్డి, మున్సిపల్ చైర్పర్సన్ తంగపల్లి శ్రీవాణి రవికుమార్ హాజరయ్యారు.

ఈ సందర్భంగా వారు ముస్లిం సోదరులకు రంజాన్ శుభాకాంక్షలు తెలియజేసి, శాంతి, సౌభ్రాతృత్వానికి ఈ పండుగ ప్రతీక అని పేర్కొన్నారు.

ఉదయం నుంచే ముస్లింలు ఈద్గా వద్దకు భారీగా చేరుకుని భక్తిశ్రద్ధలతో ప్రత్యేక ప్రార్థనలు నిర్వహించారు. అనంతరం పరస్పరం శుభాకాంక్షలు తెలుపుకుని పండుగను ఆనందంగా జరుపుకున్నారు.