నల్లగొండ జిల్లా

భోగి పండుగను పురస్కరించుకుని తెలుగు సంప్రదాయాలకు ప్రతీకగా నిలిచే బసవయ్య నార్కట్‌పల్లి పట్టణంలో సందడి చేసింది. సంప్రదాయంగా ఇంటింటా తిరుగుతూ భోగి శుభాకాంక్షలు తెలిపే బసవయ్య ఈ సందర్భంగా నకిరేకల్ మాజీ ఎమ్మెల్యే శ్రీ చిరుమర్తి లింగయ్య గారి నివాసానికి చేరుకుని పూజలు, ఆతిథ్యాన్ని స్వీకరించింది.భోగి పండుగను ప్రతిబింబించే విధంగా బసవయ్యకు ప్రత్యేక పూజలు నిర్వహించి, రైతాంగ సంక్షేమం, గ్రామాల అభివృద్ధి, ప్రజల సుఖసంతోషాల కోసం ప్రార్థనలు చేశారు. ఈ సందర్భంగా చిరుమర్తి లింగయ్య మాట్లాడుతూ, పండుగలు మన సంస్కృతి, సంప్రదాయాలను కాపాడే వేదికలని, ఇటువంటి ఆచారాలు భావితరాలకు ఆదర్శంగా నిలుస్తాయని పేర్కొన్నారు.తెలుగు సంస్కృతికి ప్రతీకగా నిలిచే ఈ సంప్రదాయ కార్యక్రమం నార్కట్‌పల్లి పట్టణంలో పండుగ వాతావరణాన్ని మరింత ఉత్సాహంగా మార్చింది.