రేపటి నుంచి విద్యుత్ శాఖ ప్రత్యేక డ్రైవ్ ఇంటి, దుకాణాల సర్వీసులపై చర్యలు.

చిట్యాల, జూలై 15: విద్యుత్ బకాయిల వసూళ్ల కోసం విద్యుత్ శాఖ ప్రత్యేక డ్రైవ్ చేపట్టనున్నట్లు అధికారులు తెలిపారు. జూలై 16వ తేదీ ఉదయం నుంచి ఇంటి విద్యుత్ కనెక్షన్లు, వాణిజ్య సంస్థలు, దుకాణాలకు సంబంధించిన బకాయిల వివరాలను పరిశీలించి, చెల్లింపులు చేయని వినియోగదారుల విద్యుత్ సర్వీసు వైర్లను తొలగించడం (కరెంట్ కనెక్షన్ నిలిపివేయడం) జరుగుతుందని హెచ్చరించారు.

విద్యుత్ బిల్లుల బకాయిలు ఉన్న వినియోగదారులు వెంటనే బకాయిలను చెల్లించి శాఖకు సహకరించాలని అధికారులు కోరారు. బకాయిల చెల్లింపులో నిర్లక్ష్యం వహిస్తే విద్యుత్ సరఫరా నిలిపివేతతో పాటు నిబంధనల ప్రకారం తదుపరి చర్యలు కూడా తీసుకునే అవకాశం ఉందన్నారు.

అందువల్ల గృహ, వాణిజ్య విద్యుత్ వినియోగదారులందరూ తమ బిల్లుల బకాయిలను వెంటనే చెల్లించి ఇబ్బందులు ఎదుర్కోకుండా జాగ్రత్త పడాలని విద్యుత్ శాఖ విజ్ఞప్తి చేసింది.