మోత్కూర్,

కాంగ్రెస్ ప్రభుత్వ విధానాలను నిరసిస్తూ చేపట్టిన అసెంబ్లీ ముట్టడి కార్యక్రమం నేపథ్యంలో మోత్కూర్‌లో బీజేపీ నాయకులను పోలీసులు ముందస్తుగా అరెస్టు చేశారు.

బీజేపీ రాష్ట్ర అధ్యక్షుడు ఎన్. రాంచందర్‌రావు నేతృత్వంలో నిర్వహించనున్న కార్యక్రమానికి అడ్డుకట్ట వేసేందుకు స్థానిక నేతలను అదుపులోకి తీసుకుని పోలీస్‌స్టేషన్‌కు తరలించారు.

ఈ సందర్భంగా బీజేపీ నాయకులు మాట్లాడుతూ.. ప్రభుత్వ బెదిరింపులకు తాము భయపడబోమని స్పష్టం చేశారు. ప్రజల హక్కుల కోసం, తెలంగాణ సమాజ ప్రయోజనాల కోసం పోరాటం కొనసాగిస్తామని తెలిపారు.

అరెస్టైన వారిలో మోత్కూర్ పట్టణ అధ్యక్షురాలు చాడా మంజులా రెడ్డి, జిల్లా నాయకులు కొనతం నాగార్జున రెడ్డి, గౌరు శ్రీనివాస్, ఎడ్ల రాము, దిటి సందీప్ తదితరులు ఉన్నారు.