తుంగతుర్తి మండల కేంద్రం గొట్టపర్తి గ్రామ ఐకెపి కొనుగోలు కేంద్రాల్లో అక్రమాలకు పాల్పడ్డ వారిపై చర్యలు జిల్లాకలెక్టర్ , జిల్లా పౌర సరఫరా అధికారితీసుకోవాలని బీఆర్ఎస్ నాయకుడు ముత్యం శేఖర్ అన్నారు. శనివారం వారు మాట్లాడుతూ... తిరుమలగిరి వ్యవసాయ మార్కెట్ లో రైతుల నుండి కొనుగోలు చేసి గొట్టిపర్తి ఐకెపి సెంటర్కు తీసుకో వచ్చినా వారిపై చర్యలు తీసుకోవాలని అలాగే ఐకెపి ఏజెన్సీని రద్దుచేసి కొత్తవారిని నియమించాలని డిమాండ్ చేశారు. ప్రభుత్వం రైతును రాజు చేయడం కోసం కింటాకు 500 రూపాయలు బోనస్ కల్పిస్తుందని అన్నారు. ఇలాంటి ఆక్రమాలు పాల్పడితే రైతులు నష్టపోతున్నారని దళారులు సొమ్ము కాస్తున్నారని ఆరోపించారు. కావున జిల్లా కలెక్టర్ స్పందించి ఇలాంటి అవక తవకలు మరలజరగకుండా వారిపై కఠిన చర్యలు తీసుకోవాలని కోరారు.