నారాయణఖేడ్ స్థానికం ప్రతినిధి కృష్ణ

నారాయణఖేడ్ మున్సిపాలిటీలో జరుగుతున్న మున్సిపల్ ఎన్నికల సందర్భంగా 7వ వార్డు కౌన్సిలర్ బిఆర్ఎస్ అభ్యర్థిగా విజయ్ బుజ్జి గురువారం నామినేషన్ దాఖలు చేశారు. ఖేడ్ మున్సిపాలిటీలోని మొత్తం 15 వార్డులకు ఎన్నికలు జరుగుతుండగా, అందులో భాగంగా 7వ వార్డుకు ఆయన అధికారికంగా తన నామినేషన్ పత్రాలను సమర్పించారు.ఈ నామినేషన్ ప్రక్రియకు నారాయణఖేడ్ నియోజకవర్గం మాజీ ఎమ్మెల్యే ఎం. భూపాల్ రెడ్డి సంపూర్ణ సహకారం అందించినట్లు అభ్యర్థి విజయ్ బుజ్జి ఈ సందర్భంగా తెలిపారు. ప్రజల సంక్షేమం, వార్డు అభివృద్ధే తన ప్రధాన లక్ష్యమని పేర్కొన్నారు.నామినేషన్ కార్యక్రమం సందర్భంగా పోలింగ్ రిటర్నింగ్ అధికారులకు అవసరమైన నామినేషన్ పత్రాలను విజయ్ బుజ్జి అందజేశారు. ఈ కార్యక్రమానికి స్థానిక నాయకులు, కార్యకర్తలు, అభిమానులు హాజరై అభ్యర్థికి మద్దతు తెలిపారు. మున్సిపల్ ఎన్నికల్లో 7వ వార్డులో పోటీ ఆసక్తికరంగా మారనుందని స్థానికంగా చర్చ జరుగుతోంది.