​నల్గొండ, : జిల్లా పోలీస్ కార్యాలయంలోని మోటర్ ట్రాన్స్‌పోర్ట్ (ఎం.టి) విభాగానికి చెందిన పాత టైర్లు, బ్యాటరీలు, ఇతర ఇనుప విడిభాగాలకు ఈ నెల 25వ తేదీన బహిరంగ వేలం నిర్వహించనున్నట్లు జిల్లా ఎస్పీ శరత్ చంద్ర పవార్ ఒక ప్రకటనలో తెలిపారు. బుధవారం ఉదయం 10 గంటలకు జిల్లా పోలీస్ కార్యాలయ ప్రాంగణంలో ఈ వేలం ప్రక్రియ ప్రారంభం కానుంది. పోలీస్ వాహనాలకు సంబంధించి కాలం చెల్లిన ఉపయోగించని వివిధ రకాల పాత టైర్లు, పాత బ్యాటరీలు, ఆయిల్ డ్రమ్ములు, ఇనుప స్పేర్ పార్ట్స్ తదితర వస్తువులను ఈ సందర్భంగా వేలం వేయనున్నారు. ఆసక్తి కలిగిన వారు నిర్ణీత సమయానికి జిల్లా పోలీస్ కార్యాలయానికి హాజరై వేలంలో పాల్గొనవచ్చని ఎస్పీ సూచించారు.ఈ వేలం ప్రక్రియకు సంబంధించిన ఇతర పూర్తి వివరాల కోసం మోటర్ ట్రాన్స్‌పోర్ట్ ఇన్స్‌పెక్టర్ (RI) శ్రీ సూరపు నాయుడు గారిని సంప్రదించాలని ఆయన కోరారు. ప్రభుత్వ నిబంధనల ప్రకారం అత్యధిక ధర పలికిన వారికే ఈ వస్తువులను కేటాయించడం జరుగుతుందని స్పష్టం చేశారు.