నల్గొండ పట్టణంలోని 11వ డివిజన్ కతాల్‌గూడ అర్బన్ కాలనీలో మతసామరస్యం వెల్లివిరిసింది. మస్జిద్-ఏ-బిస్మిల్లా ప్రాంగణంలో ఆదివారం సాయంత్రం ఘనంగా దావతే ఇఫ్తార్ కార్యక్రమాన్ని నిర్వహించారు.

ఈ కార్యక్రమాన్ని 11వ డివిజన్ కార్పొరేటర్ పాలకూరి సుమలత సంతోష్ కుమార్ గౌడ్ ఆధ్వర్యంలో ఏర్పాటు చేశారు. ఉపవాసం ముగించుకున్న ముస్లిం సోదరులతో కలిసి ఇఫ్తార్ విందు నిర్వహించి రంజాన్ శుభాకాంక్షలు తెలియజేశారు.

ఈ కార్యక్రమానికి ముఖ్య అతిథులుగా నల్గొండ మున్సిపల్ కార్పొరేషన్ డిప్యూటీ మేయర్ మొహమ్మద్ అష్రఫ్ అలీ ఆమేర్ హాజరై పాల్గొన్నారు. అలాగే పలువురు కాంగ్రెస్ పార్టీ నాయకులు, యువజన నాయకులు, స్థానిక కాలనీవాసులు పెద్ద సంఖ్యలో పాల్గొన్నారు