స్థానికం:యాదాద్రి భువనగిరి జిల్లా బ్యూరో శ్రీనివాస్

యాదాద్రి భువనగిరి జిల్లా యాదగిరిగుట్టలోని శ్రీ లక్ష్మీ నరసింహస్వామి వారి పాతగుట్ట దేవస్థానంలో నిర్వహించనున్న బ్రహ్మోత్సవ ఆహ్వాన మహోత్సవం–2026కు సంబంధించిన ఆహ్వాన పత్రాన్ని తెలంగాణ రాష్ట్ర ప్రభుత్వ విప్, ఆలేరు శాసనసభ్యులు బీర్ల ఐలయ్యకు భక్తి భావాలతో ఘనంగా అందజేశారు.ఈ సందర్భంగా ఆలయ పండితులు, వేద పండితులు బీర్ల ఐలయ్యకు ప్రత్యేక ఆశీర్వచనాలు అందజేస్తూ, ప్రజాసేవలోను రాజకీయ జీవితంలోను మరింత ఉన్నత శిఖరాలను అధిరోహించాలని,భగవంతుడి కృప ఎల్లప్పుడూ ఉండాలని మనస్ఫూర్తిగా ఆకాంక్షించారు.ఈ కార్యక్రమంలో మాట్లాడిన బీర్ల ఐలయ్య, యాదగిరిగుట్ట శ్రీ లక్ష్మీ నరసింహస్వామి వారి పాతగుట్ట బ్రహ్మోత్సవాలు భక్తుల విశ్వాసాలకు ప్రతీకగా నిలిచిన మహోత్సవమని అన్నారు. ఈ పర్వదినాల్లో లక్షలాది భక్తులు తరలివచ్చే నేపథ్యంలో, వారికి అన్ని రకాల సౌకర్యాలు కల్పించేందుకు ప్రభుత్వం పూర్తి స్థాయిలో కృషి చేస్తోందని తెలిపారు.

భక్తులకు ఎలాంటి ఇబ్బందులు తలెత్తకుండా ఆలయ అధికారులు, జిల్లా యంత్రాంగం సమన్వయంతో ఏర్పాట్లు చేస్తున్నట్లు పేర్కొన్నారు.