నల్లగొండ జిల్లా చిట్యాల మండలం పిట్టంపల్లి శివారులో ఉన్న నోష్ ఫార్మా ల్యాబ్‌లో అగ్నిప్రమాదం చోటుచేసుకుంది. ల్యాబ్‌లోని బ్లాక్–2లో రియాక్టర్ వద్ద అకస్మాత్తుగా మంటలు చెలరేగినట్లు సమాచారం.

ఈ ఘటనలో అక్కడ పని చేస్తున్న ఇద్దరు కార్మికులు గాయపడగా, వెంటనే వారిని చౌటుప్పల్ ఆసుపత్రికి తరలించారు. ప్రస్తుతం వారి ఆరోగ్య పరిస్థితిపై స్పష్టత రావాల్సి ఉంది.

అగ్నిప్రమాదానికి కారణాలపై అధికారులు విచారణ చేపట్టగా, పూర్తి వివరాలు తెలియాల్సి ఉంది.