నారాయణఖేడ్ నియోజకవర్గంలోని సిర్గాపూర్ మండలం వసర్ గ్రామంలో నాబార్డ్ సహకారంతో ఏర్పాటు చేసిన “వసర్ వాటర్ షెడ్ ప్రాజెక్ట్” నూతన కార్యాలయాన్ని ఎమ్మెల్యే డాక్టర్ పట్లోళ్ల సంజీవరెడ్డి ప్రారంభించారు. ఈ సందర్భంగా ఆయన మాట్లాడుతూ గ్రామీణ ప్రాంతాల్లో భూగర్భ జలాల పెంపు, భూమి సంరక్షణ మరియు వ్యవసాయ అభివృద్ధికి వాటర్ షెడ్ ప్రాజెక్టులు ఎంతో ఉపయోగకరమని తెలిపారు. నాబార్డ్ ఆర్థిక సహాయంతో చేపడుతున్న ఈ ప్రాజెక్ట్ ద్వారా వసర్ మరియు పరిసర ప్రాంతాల రైతులకు గణనీయమైన మేలు జరుగుతుందని ఆశాభావం వ్యక్తం చేశారు. కార్యాలయం ద్వారా వాటర్ షెడ్ పనులను పర్యవేక్షిస్తూ రైతులకు సాంకేతిక సూచనలు, అవసరమైన సహాయం అందిస్తామని చెప్పారు. రైతులు ఈ అవకాశాన్ని సద్వినియోగం చేసుకుని నీటి సంరక్షణపై దృష్టి పెట్టాలని సూచించారు. ఈ కార్యక్రమంలో నాబార్డ్ అధికారులు దండం కృష్ణ తేజ, ఆర్‌ఓ రాధ రాణి, ఏడీఏ నూతన్ కుమార్, ఎన్‌జీవో చంద్రశేఖర్, గ్రామ సర్పంచ్ హన్మంత్, ఉప సర్పంచ్ విఠల్ రెడ్డి, స్థానిక ప్రజాప్రతినిధులు, కార్యకర్తలు మరియు రైతులు పాల్గొన్నారు.