విశ్వకర్మ సంఘ బలోపేతమే లక్ష్యం: శానగొండ మల్లిఖార్జున చారి

రామన్నపేట స్థానికం ప్రతినిధి:

తెలంగాణ స్థానిక సంస్థల ఎన్నికల్లో పోటీ చేసి విజయం సాధించిన విశ్వబ్రాహ్మణ సర్పంచ్‌లు, ఉప సర్పంచ్‌లు, వార్డు సభ్యుల అభినందన సభను ఘనంగా నిర్వహించారు. ఈ సందర్భంగా సభాధ్యక్ష సభ్యులకు నిర్వహించిన సత్కార కార్యక్రమంలో తనను సత్కరించిన విశ్వకర్మ నాలెడ్జ్ సెంటర్ (VKC) సభ్యులకు నీర్నేముల గ్రామ 3వ వార్డు సభ్యుడు శానగొండ మల్లిఖార్జున చారి ప్రత్యేక ధన్యవాదాలు తెలిపారు.

ఈ కార్యక్రమంలో ఆయన మాట్లాడుతూ… తనపై చూపిన ఆదరణ, గౌరవం మరింత బాధ్యతను పెంచిందన్నారు. రానున్న రోజుల్లో విశ్వకర్మ సంఘాన్ని బలోపేతం చేయడమే తన ప్రధాన లక్ష్యమని స్పష్టం చేశారు. విశ్వబ్రాహ్మణుల ఐక్యత, అభివృద్ధి కోసం నిరంతరం కృషి చేస్తానని తెలిపారు.

ఈ అభినందన సభలో విశ్వకర్మ నాలెడ్జ్ సెంటర్ ప్రతినిధులు, విశ్వబ్రాహ్మణ సంఘ నాయకులు, ప్రజాప్రతినిధులు పాల్గొని కార్యక్రమాన్ని విజయవంతం చేశారు.