న్యాల్కల్, సంగారెడ్డి జిల్లా న్యాల్కల్ మండలంలో ఆధ్యాత్మిక వేడుకలు భక్తిశ్రద్ధల మధ్య ఘనంగా కొనసాగాయి. గుంజేటి గ్రామంలో నిర్వహించిన శ్రీ ఉరడమ్మ జాతర మహా పూర్ణ హారతి కార్యక్రమంలో

హారతి చేస్తున్న దృశ్యం

జహీరాబాద్ ఎమ్మెల్యే కొనింటి మాణిక్ రావు, డీసీఎంఎస్ చైర్మన్ శివకుమార్ పాల్గొని ప్రత్యేక పూజలు నిర్వహించారు. గ్రామ సర్పంచ్ దేశెట్టి పాటిల్ ఆహ్వానం మేరకు కార్యక్రమానికి హాజరైన ఎమ్మెల్యేకు గ్రామ ప్రజలు, భక్తులు ఘన స్వాగతం పలికారు.అలాగే న్యామతాబాద్ గ్రామంలో శ్రీ విశ్వనందగిరి ఆశ్రమం 23వ వార్షికోత్సవం, అఖండ నామస్మరణ సప్తాహ కార్యక్రమంలో ఎమ్మెల్యే మాణిక్‌రావు, డీసీఎంఎస్ చైర్మన్ శివకుమార్ పాల్గొన్నారు. ఆశ్రమంలో ప్రత్యేక పూజలు నిర్వహించి భక్తులతో కలిసి నామస్మరణలో పాల్గొన్నారు. ఆధ్యాత్మిక కార్యక్రమాలు ప్రజల్లో ఐక్యత, భక్తి భావన పెంపొందిస్తాయని ఎమ్మెల్యే పేర్కొన్నారు.ఈ కార్యక్రమాల్లో న్యాల్కల్ మండల పార్టీ అధ్యక్షులు రవీందర్, జహీరాబాద్ మండల పార్టీ అధ్యక్షులు తట్టు నారాయణ, మాజీ మండల పార్టీ అధ్యక్షులు నరింహ రెడ్డి, హద్నూర్ గ్రామ సర్పంచ్ ప్రవీణ్, హోతి బి గ్రామ సర్పంచ్ మచ్చేందర్, నాయకులు రాజ్‌కుమార్, రాజు పటేల్, అశోక్, సంగారెడ్డి తదితరులు పాల్గొన్నారు.