ముగ్గుల పోటీల్లో మహిళల సృజనాత్మకత ప్రతిబింబం: మట్టి పెళ్లి సైదులు

సూర్యాపేట జిల్లా స్థానికం ప్రతినిధి బిక్షం

తెలుగు సంస్కృతి, సంప్రదాయాలకు సంక్రాంతి ముగ్గులు ప్రతీకలని తెలంగాణ వ్యవసాయ కార్మిక సంఘం జిల్లా ప్రధాన కార్యదర్శి మట్టి పెళ్లి సైదులు అన్నారు. బుధవారం మోతే మండల పరిధిలోని సిరికొండ గ్రామంలో తెలంగాణ వ్యవసాయ కార్మిక సంఘం ఆధ్వర్యంలో నిర్వహించిన సంక్రాంతి ముగ్గుల పోటీల్లో ఆయన ముఖ్య అతిథిగా పాల్గొని విజేతలకు బహుమతులు అందజేశారు.ఈ సందర్భంగా ఏర్పాటు చేసిన సభలో సైదులు మాట్లాడుతూ, మహిళలకు అత్యంత ఇష్టమైన పండుగలలో సంక్రాంతి ఒకటని అన్నారు. మహిళల్లో దాగి ఉన్న సృజనాత్మక శక్తిని వెలికి తీయడంలో ముగ్గుల పోటీలు కీలక పాత్ర పోషిస్తున్నాయని పేర్కొన్నారు. తెలుగు సంస్కృతి ఉట్టిపడేలా సంక్రాంతి సంబరాలను జరుపుకోవడం మన సంప్రదాయాలను గౌరవించినట్లేనని తెలిపారు. ముగ్గుల పోటీల్లో విజయం సాధించిన మహిళలకు ప్రథమ, ద్వితీయ, తృతీయ బహుమతులతో పాటు, పోటీల్లో పాల్గొన్న ప్రతి ఒక్కరికీ ప్రోత్సాహక బహుమతులు అందజేశారు. ఈ కార్యక్రమంలో తెలంగాణ వ్యవసాయ కార్మిక సంఘం రాష్ట్ర కమిటీ సభ్యురాలు జంపాల స్వరాజ్యం, మండల ప్రధాన కార్యదర్శి కిన్నెర పోతయ్య, మండల కమిటీ సభ్యులు బోడ పట్ల హుస్సేన్, ఎస్ఎఫ్ఐ జిల్లా ప్రధాన కార్యదర్శి అక్కెనపల్లి వినయ్, విద్యార్థి నాయకురాలు మట్టిపల్లి మానస, సంఘం నాయకురాలు కటారి పార్వతమ్మ, కుంటి గొర్ల గంగమ్మ, చిట్యాల పద్మ, జంపాల ఉప్పయ్య, అక్కెనపల్లి నాగమ్మ, బోడ పట్ల సాంబమ్మ, శాంతమ్మ తదితరులు పాల్గొన్నారు.