న్యాల్కల్‌లో మినీ వాటర్ ట్యాంకుల పరిశీలన

న్యాల్కల్ వేసవి కాలంలో తాగునీటి ఇబ్బందులు తలెత్తకుండా గ్రామపంచాయతీ అధికారులు ముందస్తు చర్యలు చేపట్టారు. సర్పంచ్ జ్యోతిలక్ష్మి ప్రవీణ్ కుమార్ ఆధ్వర్యంలో పంచాయతీ కార్యదర్శి శ్రీకాంత్ రెడ్డి, మల్గి మెకానిక్ కిష్టన్నలతో కలిసి గ్రామంలోని మినీ వాటర్ ట్యాంకులను మంగళవారం పరిశీలించారు. ట్యాంకుల పనితీరును తనిఖీ చేసి అవసరమైన మరమ్మతులు వెంటనే చేపట్టాలని సూచించారు. ట్యాంక్ పరిసరాలను పరిశుభ్రంగా ఉంచాలని ఆదేశించారు. లీకేజీలను నివారించి నీటి వృథాను అరికట్టాలని తెలిపారు. వేసవిలో గ్రామానికి తాగునీటిని సమృద్ధిగా అందించేందుకు ప్రత్యేక చర్యలు తీసుకుంటున్నట్లు సర్పంచ్ చెప్పారు. నీటిని వృథా చేయకుండా వినియోగించాలని గ్రామస్థులకు సూచించారు. ఈ కార్యక్రమంలో సంబంధిత సిబ్బంది పాల్గొన్నారు