తెలంగాణ స్టేట్ జర్నలిస్టు అసోసియేషన్ (టీఎస్‌జేఏ) సూర్యాపేట జిల్లా ఆర్గనైజింగ్ సెక్రటరీగా సూర్యాపేట జిల్లా కేంద్రానికి చెందిన నామా వేణును నియమించినట్లు అసోసియేషన్ వ్యవస్థాపక అధ్యక్షుడు కందుకూరు యాదగిరి గురువారం ఒక ప్రత్యేక ప్రకటనలో తెలిపారు. ఈ సందర్భంగా నామా వేణు మాట్లాడుతూ తనపై నమ్మకం ఉంచి ఈ బాధ్యతను అప్పగించిన వ్యవస్థాపక అధ్యక్షుడికి, అలాగే రాష్ట్ర కమిటీ, ఉమ్మడి జిల్లా కమిటీ, సూర్యాపేట జిల్లా కమిటీ సభ్యులకు ప్రత్యేక కృతజ్ఞతలు తెలిపారు. అసోసియేషన్ అభివృద్ధి కోసం, జర్నలిస్టుల సంక్షేమం కోసం నిరంతరం కృషి చేస్తానని హామీ ఇచ్చారు. టీఎస్‌జేఏ ఏర్పడిన నాటి నుంచి జర్నలిస్టుల సంక్షేమం కోసం అనేక కార్యక్రమాలు చేపడుతూ అహర్నిశలు కృషి చేస్తోందని పేర్కొంటూ, సంఘం నిర్వహిస్తున్న కార్యక్రమాలను చూసి ఆకర్షితుడై టీఎస్‌జేఏలో చేరినట్లు నామా వేణు తెలిపారు.