పతంగులు ఎగురవేసిన మార్కెట్ కమిటీ చైర్మన్ కొప్పుల వేణారెడ్డి

సూర్యాపేట జిల్లా స్థానిక ప్రతినిధి బిక్షం

సూర్యాపేట పట్టణంలోని 28వ వార్డులో పట్టణ కాంగ్రెస్ పార్టీ అధ్యక్షుడు యం.డి. అంజద్ అలి ఆధ్వర్యంలో నిర్వహించిన సంక్రాంతి సంబరాలు ఉత్సాహంగా జరిగాయి. ఈ కార్యక్రమానికి ముఖ్య అతిథిగా హాజరైన వ్యవసాయ మార్కెట్ కమిటీ చైర్మన్ కొప్పుల వేణారెడ్డి పతంగులు ఎగురవేసి సంబరాలను ప్రారంభించారు.

ఈ సందర్భంగా ఆయన మాట్లాడుతూ సంక్రాంతి పండుగ మన సంప్రదాయాలు, సంస్కృతిని ప్రతిబింబించే మహత్తర పండుగ అని, ఇలాంటి కార్యక్రమాలు ప్రజల మధ్య ఐక్యతను పెంపొందిస్తాయని అన్నారు. పట్టణంలో ప్రతి వార్డులో ఇలాంటి సంబరాలు జరగడం ఆనందంగా ఉందన్నారు.

ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, వార్డు ప్రజలు, యువత పెద్ద సంఖ్యలో పాల్గొని పతంగుల పండుగను ఆనందంగా జరుపుకున్నారు. సంక్రాంతి పాటలు, ఆటపాటలతో వార్డు మొత్తం పండుగ వాతావరణంతో కళకళలాడింది.