చిట్యాల స్థానికం ప్రతినిధి కొమిడాల మహేందర్ రెడ్డి.

నల్గొండ జిల్లా చిట్యాల పట్టణ కేంద్రంలో శ్రీ కనకదుర్గ ట్రాక్టర్ అసోసియేషన్ ఆధ్వర్యంలో 77వ గణతంత్ర దినోత్సవ వేడుకలు ఘనంగా నిర్వహించారు. ఈ సందర్భంగా అసోసియేషన్ కార్యాలయం వద్ద జాతీయ జెండాను ఆవిష్కరించి, దేశ స్వాతంత్ర్యానికి ప్రాణత్యాగాలు చేసిన వీరులను స్మరించుకున్నారు.

వేడుకలకు అసోసియేషన్ అధ్యక్షులు, సభ్యులు, ట్రాక్టర్ యజమానులు, కార్మికులు పెద్ద సంఖ్యలో హాజరై జాతీయ గీతాన్ని ఆలపించారు. అనంతరం పలువురు వక్తలు మాట్లాడుతూ భారత రాజ్యాంగం విలువలు, ప్రజాస్వామ్య వ్యవస్థ ప్రాముఖ్యత, గణతంత్ర దినోత్సవ చారిత్రక నేపథ్యాన్ని వివరించారు. రైతాంగం అభివృద్ధిలో ట్రాక్టర్ రంగం పోషిస్తున్న కీలక పాత్రను ఈ సందర్భంగా గుర్తు చేశారు.

ఈ కార్యక్రమంలో అసోసియేషన్ నాయకులు మాట్లాడుతూ, దేశ అభివృద్ధికి ప్రతి పౌరుడు బాధ్యతతో పనిచేయాలని, ఐక్యతతో ముందుకు సాగాలని పిలుపునిచ్చారు. అనంతరం స్వీట్లు పంపిణీ చేసి వేడుకలను ఆనందంగా ముగించారు.