నారాయణఖేడ్ స్థానికం ప్రతినిధి కృష్ణ

సంగారెడ్డి జిల్లా నారాయణఖేడ్ నియోజకవర్గం, నారాయణఖేడ్ మున్సిపల్ పరిధిలో సోమవారం నేషనల్ హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా జిల్లా కార్యాలయ ప్రారంభోత్సవ కార్యక్రమం ఘనంగా నిర్వహించారు.ఈ కార్యక్రమాన్ని రాష్ట్ర వైస్ చైర్మన్ వై. పండరి,సంగారెడ్డి జిల్లా అధ్యక్షులు బైండ్ల కృష్ణ, జిల్లా ప్రధాన కార్యదర్శి బి. అఖిల్,జిల్లా ఎగ్జిక్యూటివ్ మెంబర్ ప్రభాకర్,న్యాల్కల్ మండల అధ్యక్షులు బి. నవీన్ కుమార్ ఆధ్వర్యంలో నిర్వహించారు.ఈ కార్యక్రమానికి ముఖ్య అతిథిగా నారాయణఖేడ్ సీఐ శ్రీనివాస్ రెడ్డి హాజరై రిబ్బన్ కట్ చేసి నేషనల్ హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా జిల్లా కార్యాలయాన్ని అధికారికంగా ప్రారంభించారు.ఈ సందర్భంగా సంస్థ కమిటీ సభ్యులు ఆయనకు పుష్పగుచ్ఛాలు అందజేసి ఘనంగా శుభాకాంక్షలు తెలిపారు.అనంతరం నేషనల్ హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా కమిటీ సభ్యులు నారాయణఖేడ్ సీఐ శ్రీనివాస్ రెడ్డిని శాలువాతో సత్కరించి, గణతంత్ర దినోత్సవ శుభాకాంక్షలు తెలియజేశారు.ఈ సందర్భంగా సీఐ శ్రీనివాస్ రెడ్డి మాట్లాడుతూ,సమాజంలో మానవ హక్కుల పరిరక్షణ ప్రతి ఒక్కరి బాధ్యత అని తెలిపారు. ముఖ్యంగా పేదలు, బలహీన వర్గాలు,అన్యాయానికి గురైన ప్రజలకు న్యాయం అందేలా ఇలాంటి సంస్థలు ముందుండి పనిచేయడం అభినందనీయమని అన్నారు. ప్రజలకు చట్టాలపై అవగాహన కల్పించడం, సమస్యల పరిష్కారానికి పోలీస్ శాఖతో సమన్వయం చేసుకుంటూ పని చేస్తే సమాజంలో సానుకూల మార్పు సాధ్యమవుతుందని పేర్కొన్నారు.అలాగే సంస్థ ద్వారా ప్రజాసేవ కార్యక్రమాలు మరింత విస్తృతంగా చేపట్టి, మానవ హక్కుల పరిరక్షణలో నారాయణఖేడ్ ప్రాంతాన్ని ఆదర్శంగా నిలపాలని ఆకాంక్షించారు.