నారాయణఖేడ్ మున్సిపల్ ఎన్నికల ప్రచారంలో భాగంగా నారాయణఖేడ్ మున్సిపాలిటీ 7వ వార్డులో కాంగ్రెస్ పార్టీ అభ్యర్థి సాగర్ శెట్కార్ గెలుపు కోసం విస్తృత ప్రచారం నిర్వహించారు.ఈ ప్రచార కార్యక్రమంలో ఉమ్మడి జిల్లా మాజీ ప్రణాళిక సంఘం సభ్యులు నాగేష్ శెట్కార్, రాష్ట్ర యూత్ కాంగ్రెస్ ప్రధాన కార్యదర్శి రాకేష్ శెట్కార్ పాల్గొన్నారు.ఈ సందర్భంగా కాంగ్రెస్ పార్టీ పాలనలో చేపట్టిన అభివృద్ధి కార్యక్రమాలు, ప్రజల జీవన స్థాయిని మెరుగుపరిచేందుకు చేసిన కృషిని ప్రజలకు వివరించారు. వార్డులో రహదారులు, తాగునీరు, పారిశుద్ధ్యం, విద్యుత్ వంటి మౌలిక వసతుల అభివృద్ధికి కాంగ్రెస్ పార్టీ ఎల్లప్పుడూ ప్రాధాన్యం ఇచ్చిందని తెలిపారు. ప్రజల సమస్యలు వినడమే కాకుండా వాటికి పరిష్కారం చూపే పార్టీ కాంగ్రెస్ పార్టీనే అని స్పష్టంగా చెప్పారు.ప్రజల నమ్మకాన్ని బలంగా నిలుపుకుంటూ, ప్రతి ఇంటికి చేరువై సమస్యల పరిష్కారం కోసం నిరంతరం కృషి చేస్తామని అభ్యర్థి సాగర్ శెట్కార్ తెలిపారు. రాబోయే మున్సిపల్ ఎన్నికల్లో కాంగ్రెస్ పార్టీకి చేయి గుర్తుపై ఓటు వేసి తనను భారీ మెజారిటీతో గెలిపించాలని ప్రజలను కోరారు.ఈ ప్రచార కార్యక్రమంలో బీసీ సెల్ అధ్యక్షుడు సాయిలు పటేల్ తో పాటు కాంగ్రెస్ పార్టీ నాయకులు, కార్యకర్తలు మరియు స్థానిక ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.