సదాశివపేట పట్టణ కాంగ్రెస్ అధ్యక్షుడిగా బాధ్యతలు స్వీకరించిన సందర్భంగా నాగరాజ్ గౌడ్ తనపై నమ్మకం ఉంచి ఈ అవకాశం కల్పించిన పార్టీ అధిష్ఠానానికి, రాష్ట్ర–జిల్లా నాయకత్వానికి, ప్రజాప్రతినిధులకు, పార్టీ నాయకులకు, కార్యకర్తలకు హృదయపూర్వక కృతజ్ఞతలు తెలిపారు. పట్టణ ప్రజాప్రతినిధులు, నాయకులు, కార్యకర్తల సమన్వయంతో తన బాధ్యతలను నిబద్ధతతో నిర్వర్తిస్తూ పార్టీని మరింత బలోపేతం చేసేందుకు కృషి చేస్తానని పేర్కొన్నారు. రానున్న రోజుల్లో పార్టీ చేపట్టే ప్రతి కార్యక్రమాన్ని అందరినీ కలుపుకొని ముందుకు తీసుకెళ్తూ కాంగ్రెస్ పార్టీని ప్రజల్లో మరింత బలమైన శక్తిగా తీర్చిదిద్దడమే తన లక్ష్యమని నాగరాజ్ గౌడ్ తెలిపారు.