మండల పరిధిలోని నెలపట్ల ప్రాథమిక పాఠశాల విద్యార్థుల సౌకర్యార్థం స్థానిక దాత షేక్ గాలిబ్ రెండు సీలింగ్ ఫ్యాన్లను బహుకరించారు. పాఠశాల తరగతి గదుల్లో ఫ్యాన్లు లేక విద్యార్థులు తీవ్ర ఇబ్బందులు పడుతున్న విషయాన్ని తెలుసుకున్న ఆయన, ఉదారతతో స్పందించి సోమవారం ఉపాధ్యాయులకు ఫ్యాన్లను అందజేశారు.​ఈ సందర్భంగా పాఠశాల ప్రధానోపాధ్యాయురాలు వి. మంజుల, ఉపాధ్యాయురాళ్లు, విద్యార్థులు, వారి తల్లిదండ్రులు దాత షేక్ గాలిబ్‌కు హృదయపూర్వక ధన్యవాదాలు తెలియజేశారు. విద్యార్థుల సంక్షేమం కోసం ముందుకు వచ్చిన ఆయన సేవా నిరతిని కొనియాడారు.ఈ కార్యక్రమంలో శ్వేత, దబ్బటి శేఖర్, కొరగొని నర్సింహం, బుట్టి సత్యం, షేక్ జాంగిర్, సింగిశెట్టి నాగరాజు, గ్రామస్థులు పాల్గొన్నారు.