రామన్నపేట సెప్టెంబర్ 21

వినాయక నిమజ్జనాల నేపథ్యంలో యాదాద్రి భువనగిరి జిల్లా ఎస్పీ అక్షాంశ్ యాదవ్, చౌటుప్పల్ డీఎస్పీ పి. మధుసూదన్‌రెడ్డి సోమవారం నిమజ్జన ప్రదేశాలను పరిశీలించారు. బొమ్మల చెరువు, చిన్నకొండూరు, ఇంద్రపాలనగరం గ్రామాల్లో నిమజ్జన ఏర్పాట్లను పరిశీలించి, భద్రతా చర్యలపై అధికారులతో సమీక్షించారు.

నిమజ్జనాల సందర్భంగా ఎలాంటి అవాంఛనీయ ఘటనలు చోటుచేసుకోకుండా పటిష్టమైన భద్రతా ఏర్పాట్లు చేపట్టాలని సూచించారు. నిమజ్జన ప్రదేశాల్లో అవసరమైన మరమ్మతు పనులు, మౌలిక సదుపాయాలను ముందుగానే ఏర్పాటు చేయాలని అధికారులను ఆదేశించారు. భక్తులు, నిమజ్జనానికి వచ్చే ప్రజలకు ఎలాంటి ఇబ్బందులు కలగకుండా అన్ని ముందస్తు చర్యలు చేపట్టాలని సూచించారు.నిమజ్జన కార్యక్రమాలు ప్రశాంత వాతావరణంలో జరిగేలా పోలీసులు ప్రత్యేక దృష్టి సారించాలని ఎస్పీ సూచించారు. కార్యక్రమంలో సీఐ మెలుగు రవి, ఎస్‌ఐ గోపాతి సతీష్ పోలీసు సిబ్బంది పాల్గొన్నారు.