70,100 ఆర్థిక సాయం అందజేసిన 2002-03 పదవతరగతి బ్యాచ్‌ స్నేహితులు

చిన్ననాటి మిత్రుడి అకాల మరణంతో దిగ్భ్రాంతికి గురైన తోటి క్లాస్‌మేట్స్, ఆయన కుటుంబానికి అండగా నిలిచి తమ ఉదారతను చాటుకున్నారు. పంతంగి జిల్లా పరిషత్ ఉన్నత పాఠశాల 2002–2003 పదవ తరగతి పూర్వ విద్యార్థులు తమ మిత్రుడు దివంగత బర్కం అంజి కుటుంబానికి 70,100 ఆర్థిక సాయాన్ని సోమవారం చెక్కు రూపంలో అందజేశారు.

​ఈ సందర్భంగా పూర్వ విద్యార్థులు మాట్లాడుతూ... చిన్ననాటి మిత్రుడు అంజి భౌతికంగా మన మధ్య లేకపోవడం తీరని లోటని ఆవేదన వ్యక్తం చేశారు. కష్టాల్లో ఉన్న ఆయన కుటుంబానికి ధైర్యాన్ని ఇస్తూ, భవిష్యత్తులోనూ ఏ అవసరం వచ్చినా ఎల్లప్పుడూ ముందుండి సహాయసహకారాలు అందిస్తామని స్పష్టం చేశారు.​ఈ కార్యక్రమంలో పూర్వ విద్యార్థులు ఆనగంటి వెంకటేశం, కాకి సుందర్, నందగిరి లింగస్వామి, మాటూరు రవి, బొడిగె మహేష్, అవిశెట్టి అశోక్, పబ్బు లింగస్వామి, చుక్క రమేష్, లగ్గొని లింగస్వామి, బర్రె శీను, పబ్బు శ్రీను, రోడ్డ భగత్ సింగ్ తదితరులు పాల్గొన్నారు.