రూ.26 వేలు, 6 బైక్‌లు, 6 ఫోన్లు స్వాధీనం

మల్లికార్జుననగర్‌లోని ఒక ఇంట్లో పేకాట ఆడుతున్న స్థావరంపై పోలీసులు దాడి చేసి ఆరుగురిని అరెస్ట్ చేశారు. చౌటుప్పల్ ఇన్స్పెక్టర్ ఆఫ్ పోలీస్ జి.మన్మధ కుమార్ తెలిపిన వివరాల ప్రకారం... నమ్మదగిన సమాచారం మేరకు ఎస్సై బి.అజయ్ భార్గవ్ తన సిబ్బందితో కలిసి ఆదివారం రాత్రి 9:00 గంటల సమయంలో మల్లికార్జుననగర్‌లోని ఓ ఇంటిపై అకస్మాత్తుగా దాడి (రైడ్) చేశారు.​ఈ దాడిలో స్థానికంగా పేకాట ఆడుతున్న ఆరుగురు వ్యక్తులను పోలీసులు అదుపులోకి తీసుకున్నారు. విచారణలో ఆ ఇల్లు చౌటుప్పల్ టౌన్‌కు చెందిన రెడ్డగోని మల్లేష్‌దిగా గుర్తించారు. మిగిలిన నిందితులను అంతమ్మగూడెంనకు చెందిన రావుల లింగయ్య, పీపల్ పహాడ్‌ నల్లెంకి లింగస్వామి, ఆరెగూడెం దిండి రాఘవరెడ్డి, చౌటుప్పల్ టౌన్‌ తీగల రమేష్, బొంగు రమేష్‌లుగా గుర్తించారు.​నిందితుల వద్ద నుంచి రూ.26,000 నగదు, 6 మొబైల్ ఫోన్లు, 06 ద్విచక్ర వాహనాలు (బైక్‌లు), 106 పేకాట కార్డులను స్వాధీనం చేసుకున్నారు. వారిని పోలీస్ స్టేషన్‌కు తరలించి, కేసు నమోదు చేసి దర్యాప్తు ప్రారంభించినట్లు సీఐ మన్మధ కుమార్ తెలిపారు.