సైదాబాద్, సెప్టెంబర్ 21: శంకేశ్వర్ బజార్‌లో కొలువుదీరిన గణనాథుడిని బీజేపీ సీనియర్ నాయకుడు, మాజీ ఎమ్మెల్సీ ఎన్. రాంచందర్‌రావు సోమవారం దర్శించుకున్నారు. నవరాత్రి ఉత్సవాల్లో భాగంగా మండపానికి చేరుకున్న ఆయనకు ఉత్సవ కమిటీ నిర్వాహకులు ఘనస్వాగతం పలికారు.

అనంతరం స్వామివారికి ప్రత్యేక పూజలు నిర్వహించి, మంగళహారతి ఇచ్చారు. వేద పండితులు ఆయనకు ఆశీర్వచనాలు అందజేశారు. ఈ సందర్భంగా రాంచందర్‌రావు మాట్లాడుతూ.. విఘ్నేశ్వరుడి కృపాకటాక్షాలతో ప్రజలంతా ఆయురారోగ్యాలతో, సుఖసంతోషాలతో వర్ధిల్లాలని ఆకాంక్షించారు. భక్తిశ్రద్ధలతో ఉత్సవాలను నిర్వహిస్తున్న కమిటీ సభ్యులను అభినందించారు.

తమ ఆహ్వానాన్ని మన్నించి గణనాథుడిని దర్శించుకున్న రాంచందర్‌రావుకు ఉత్సవ కమిటీ నిర్వాహకులు కృతజ్ఞతలు తెలిపారు. కార్యక్రమంలో స్థానిక బీజేపీ నాయకులు, కాలనీ ప్రముఖులు, భక్తులు పాల్గొన్నారు.