రామన్నపేట: మండలంలోని మునిపంపుల గ్రామ కాంగ్రెస్ పార్టీ నూతన అధ్యక్షుడిగా యాదాసు యాదయ్య, కార్యదర్శిగా కమ్మంపాటి రమేష్ ఏకగ్రీవంగా ఎన్నికయ్యారు. మండల నాయకుల ఆధ్వర్యంలో సోమవారం నిర్వహించిన గ్రామ కాంగ్రెస్ పార్టీ సమావేశంలో ఈ మేరకు ఎన్నిక జరిగింది.

ఈ సందర్భంగా నూతన అధ్యక్షుడు యాదాసు యాదయ్య మాట్లాడుతూ తన ఎన్నికకు సహకరించిన మండల నాయకులు, గ్రామ పార్టీ నాయకులు, కార్యకర్తలందరికీ హృదయపూర్వక ధన్యవాదాలు తెలిపారు. పార్టీ బలోపేతానికి అందరినీ కలుపుకొని పనిచేస్తానని పేర్కొన్నారు.