వరంగల్: నగరంలోని 14వ డివిజన్ ఎస్‌ఆర్ నగర్‌లో సోమవారం రాత్రి దారుణ ఘటన చోటుచేసుకుంది. భార్యాభర్తల మధ్య జరిగిన గొడవ చివరకు హత్యకు దారి తీసింది.

పోలీసుల వివరాల ప్రకారం.. అబ్బరబోయిన రాజు, అనిత(40) దంపతులు. సోమవారం అనిత తన చిన్ననాన్న కర్మ కార్యక్రమానికి వెళ్లి తిరిగి ఇంటికి వచ్చింది. ఈ క్రమంలో భార్యాభర్తల మధ్య మాటామాటా పెరిగి తీవ్ర వాగ్వాదానికి దారి తీసింది.

కోపంతో ఆగ్రహానికి లోనైన రాజు ఇంట్లో ఉన్న రోకలితో అనిత తలపై బలంగా కొట్టాడు. తీవ్రంగా గాయపడిన ఆమెను స్థానికులు వెంటనే ఎంజీఎం ఆసుపత్రికి తరలించారు. అయితే చికిత్స పొందుతూ అనిత మృతి చెందింది.

సమాచారం అందుకున్న పోలీసులు ఘటన స్థలానికి చేరుకుని కేసు నమోదు చేసి దర్యాప్తు ప్రారంభించారు. నిందితుడు రాజును అదుపులోకి తీసుకున్నట్లు తెలిసింది.