ప్రపంచ జూనోసిస్ దినోత్సవం సందర్భంగా మునగాల మండల పరిధిలోని రేపాల పశువైద్య కేంద్రంలో సోమవారం ఉచిత యాంటీ రేబీస్ టీకాల కార్యక్రమం నిర్వహించారు. ఈ సందర్భంగా 30 పెంపుడు కుక్కలకు రేబీస్ నివారణ టీకాలు వేశారు. రేబీస్ వంటి ప్రాణాంతక వ్యాధుల నివారణకు ప్రతి పెంపుడు కుక్కకు ఏటా తప్పనిసరిగా టీకా వేయించాలని పశువైద్య సిబ్బంది యజమానులకు అవగాహన కల్పించారు. ఈ కార్యక్రమంలో రేపాల పశువైద్యాధికారి డాక్టర్ మమత,పశువైద్యశాల సిబ్బంది, పెంపుడు కుక్కల యజమానులు పాల్గొన్నారు.