నారాయణఖేడ్ స్థానికం ప్రతినిధి కృష్ణ:సంగారెడ్డి జిల్లా ఆందోల్ నియోజకవర్గంలోని రాయికోడ్ మండల పరిధిలోని సింగితం గ్రామ చౌరస్తాలో మంగళవారం జిల్లా ఎస్పీ పంకజ్ పారితోష్, అదనపు ఎస్పీ రఘునందన్ రావు, జహీరాబాద్ డిఎస్పీ సైదా నాయక్, జహీరాబాద్ రూరల్ సీఐ హనుమంతు ఆదేశాల మేరకు రాయికోడ్ ఎస్ఐ చైతన్య కిరణ్ మరియు అతని సిబ్బంది ఆధ్వర్యంలో “రాజ్య రోడ్డు భద్రత అవగాహన కార్యక్రమం” విజయవంతంగా నిర్వహించబడింది.ఈ కార్యక్రమ ప్రధాన ఉద్దేశ్యం రోడ్డు ప్రమాదాలను నివారించడం మరియు ప్రజల్లో రోడ్డు నియమాలపై అవగాహన కల్పించడం. కార్యక్రమంలో విద్యార్థులు, ద్విచక్ర వాహనదారులు, ఆటో డ్రైవర్లు, కార్ డ్రైవర్లు మరియు సాధారణ ప్రజలకు రోడ్డు భద్రత మరియు ట్రాఫిక్ నియమాల గురించీ అవగాహన కల్పించబడింది. ముఖ్యంగా హెల్మెట్ ధరించడం తప్పనిసరి, సీట్ బెల్ట్ ఉపయోగించడం, మద్యం సేవించి వాహనం నడపకూడదు, డ్రైవింగ్ సమయంలో ఫోన్ వాడకూడదు, వేగ నియంత్రణ పాటించాలి, పాదచారులకు ప్రాధాన్యత ఇవ్వాలి వంటి విషయాలపై వివరించారు.అలాగే, మైనర్ పిల్లలకు వాహనాలను అందించడం ప్రమాదకరమని తల్లిదండ్రులకు హెచ్చరిక జారీ చేశారు. ట్రాఫిక్ నిబంధనల ఉల్లంఘన చట్టపరమైన చర్యలకు మాత్రమే కాకుండా ప్రాణనష్టానికి కూడా దారి తీస్తుందని అధికారులు తెలియజేశారు.ఈ కార్యక్రమం ద్వారా “రోడ్డు భద్రత – మన అందరి బాధ్యత” అనే సందేశాన్ని ప్రజల్లోకి తీసుకువచ్చారు. రోడ్డు భద్రత నియమాలు పాటించడం ద్వారా ప్రమాదాలను నివారించి, విలువైన ప్రాణాలను కాపాడవచ్చని పోలీసులు ప్రజలకు పిలుపునిచ్చారు.