రామన్నపేట ఏరియా ఆసుపత్రి 100 పడకలుగా మార్పుపై అసెంబ్లీలో ప్రస్తావన శుభ సూచకం

ఎమ్మెల్యే వేముల వీరేశానికి పట్టణ సర్పంచ్ గరిక కృతజ్ఞతలు

రామన్నపేట స్థానికం ప్రతినిధి

రామన్నపేట మండల కేంద్రంలో ఉన్న ఏరియా ఆసుపత్రిని 100 పడకల ఆసుపత్రిగా మార్చాలన్న అంశాన్ని శీతాకాల అసెంబ్లీ సమావేశాల తొలి రోజున ఎమ్మెల్యే వేముల వీరేశం ప్రస్తావించడం శుభ సూచకమని పట్టణ సర్పంచ్ గరిక సత్యనారాయణ అన్నారు. గత పాలకులు ఎన్నికల హడావుడిలో శిలాఫలకాలు మాత్రమే వేసి, నిధులు కేటాయించకపోవడం వల్లా, కార్యాచరణ లేకపోవడం వల్లా ఆసుపత్రి అభివృద్ధి ఆగిపోయిందని విమర్శించారు.

పట్టణ ప్రజల తరఫున తన తొలి కోరికగా రామన్నపేట ఏరియా ఆసుపత్రిని 100 పడకల ఆసుపత్రిగా నిర్మించి, మండల ప్రజలందరికీ నాణ్యమైన వైద్య సేవలు అందుబాటులోకి తీసుకురావాలని ఎమ్మెల్యేను కోరుతున్నట్లు సర్పంచ్ తెలిపారు. ఈ దిశగా అసెంబ్లీలో అంశాన్ని లేవనెత్తిన ఎమ్మెల్యే వేముల వీరేశానికి పట్టణ ప్రజల తరఫున ప్రత్యేక ధన్యవాదాలు తెలిపారు.