పెనుకొండ, : జిల్లా సంయుక్త కలెక్టర్ ఆదేశాల మేరకు రెవెన్యూ డివిజినల్ అధికారి పర్యవేక్షణలో పెనుకొండ మరియు పరిసర ప్రాంతాలలోని హోటళ్లు, రెస్టారెంట్లు, బేకరీలలో శుక్రవారం తనిఖీలు నిర్వహించారు. కమర్షియల్ సిలిండర్లకు బదులుగా అక్రమంగా డొమెస్టిక్ గ్యాస్ సిలిండర్లను వినియోగిస్తున్నట్లు గుర్తించి మొత్తం 19 సిలిండర్లు స్వాధీనం చేసుకున్నారు.

విజయలక్ష్మి రెస్టారెంట్ సమీపంలోని 4 ఆర్సిబీ టీ స్టాల్ వద్ద 2, గుట్టూరులోని అభిరుచి కంచర్ల రెస్టారెంట్ వద్ద 6, పెనుకొండలోని శ్రీ మారుతి అయ్యంగారు బేకరీ వద్ద 2, షఫీయా గ్రాండ్ వద్ద 3, కియా కంపెనీ ఎదురుగా ఉన్న టిఫిన్ సెంటర్ వద్ద 2 సిలిండర్లు స్వాధీనం చేసుకున్నారు.

ఈ తనిఖీలలో పెనుకొండ డివిజన్ సహాయ పౌర సరఫరాల అధికారి ఎన్.రమేష్, తహశీల్దార్ కె.స్వాతి, పౌర సరఫరాల ఉప తహశీల్దార్ జి.ప్రభావతి, వీఆర్‌ఓ బషీర్ పాల్గొన్నారు