మోటకొండూరు మండల పరిధిలోని పెద్దబావి (చాకంపల్లి) గ్రామానికి నూతనంగా వడ్ల కొనుగోలు కేంద్రాన్ని మంజూరు చేసిన సందర్భంగా ప్రభుత్వ విప్,ఆలేరు ఎమ్మెల్యే బీర్ల ఐలయ్య చిత్రపటానికి కాంగ్రెస్ పార్టీ నాయకులు పాలాభిషేకం నిర్వహించారు. ఈ కార్యక్రమాన్ని మండల సేవాదళ్ అధ్యక్షుడు, ఆలేరు యువజన కాంగ్రెస్ నాయకుడు జల్తార్ రాజు యాదవ్ ఆధ్వర్యంలో నిర్వహించారు. ఈ సందర్భంగా రాజు యాదవ్ మాట్లాడుతూ, ఎమ్మెల్యే బీర్ల ఐలయ్య పెద్దబావి గ్రామ రైతుల సమస్యలను గుర్తించి వెంటనే స్పందించి,వడ్ల కొనుగోలు కేంద్రాన్ని మంజూరు చేయడం ద్వారా రైతుల ఇబ్బందులను తొలగించారని తెలిపారు. ఇందుకు ఆయన ఎమ్మెల్యేకు కృతజ్ఞతలు తెలిపారు. కాంగ్రెస్ ప్రభుత్వంలోనే ఇందిరమ్మ ఇళ్లు, గృహ జ్యోతి,ఉచిత కరెంట్,కొత్త రేషన్ కార్డులు,వడ్ల కొనుగోలు కేంద్రాలు వంటి సంక్షేమ పథకాల ద్వారా గ్రామాభివృద్ధి సాధ్యమవుతుందని పేర్కొన్నారు. గ్రామంలో ఐకేపీ కేంద్రం లేక రైతులు ఇబ్బందులు పడుతున్న విషయం ఎమ్మెల్యే దృష్టికి తీసుకెళ్లిన వెంటనే ఆయన స్పందించి, అధికారులతో మాట్లాడి ప్రత్యేక చొరవతో కేంద్రాన్ని మంజూరు చేయించారని తెలిపారు. ఈ విషయానికి సంబంధం లేని సర్పంచ్, బీఆర్‌ఎస్ నాయకులు తమకే క్రెడిట్ తీసుకునే ప్రయత్నం చేయడం సరికాదని విమర్శించారు. ఈ విషయం గ్రామస్తులకు కూడా తెలుసని అన్నారు. ప్రభుత్వం అమలు చేస్తున్న సంక్షేమ పథకాలు నేరుగా ప్రజలకు అందుతున్నాయని,ఎమ్మెల్యే బీర్ల ఐలయ్య నాయకత్వంలో పెద్దబావి గ్రామాన్ని ఆదర్శ గ్రామంగా తీర్చిదిద్దుతామని ఆయన ధీమా వ్యక్తం చేశారు. ఈ కార్యక్రమంలో వాకిటి మల్లారెడ్డి, సిద్ధులు యాదవ్,సత్తిరెడ్డి,చంద్రారెడ్డి,శ్రీను,రామ్,తిరుమలరెడ్డి,రమేష్,యాదిరెడ్డి,ప్రశాంత్ యాదవ్ తదితర గ్రామ నాయకులు,రైతులు,కార్యకర్తలు పాల్గొన్నారు.